٨.٧.٠٩

تاج وجالي


التاج دا جالي من صديقي صاحب مدونة اعشق في الليل ضوء القمر
مع انه تاني طلب بس بردوا هعمله ;)

من أنت ؟
سؤال صعب اوي ....على العموم انا مش بحب اتكلم عن نفسي ...هسيب اعمالي تتكلم عني (زي النجوم يعني )
ما الذي تفعله هنا ؟
بحاول اترجم مشاعري ومشاعر الآخرين
اسرائيل تقصف كل جنوب ممكن بحثا عنك ... أي شمال تقصد ؟
سأجعلهم مقصدي في الشمال كي أنال منهم أو أنال الشهادة
انت مكلف بحذف حرف من حروف اللغة العربية أيها ستختار ولماذا ؟
لو ينفع حرفين اكون ممنونة ... عاوزه احزف ال (آه) من اللغه العربية والاحساس دا من النفس الانسانيه
منذ متى اكتشفت نفسك ؟
لم اكتشفها بعد !!!
على مفترق طرق الافتتان اليمنى تقول (الى حلمك) واليسرى تقول (الى ما لم يحلم به البشر) أي الطرق ستسلك ؟
سأسلك الأيمن الى حلمي الذي انتظر ان يتحقق
نحن لا نعيش حياتنا بل نتعلم منها كيف نعيش.... ما تعليقك ؟
مقوله صح 100 % بس مشكلتي اني مبتعلمش
بجملة واحدة فقط اكتب تعريفا لكل كلمة من الكلمات الاتيه :
الوطن : لا بحبه ولا اقدر على بعده
الأم : البئر الذي كلما اخذت منه ازداد حنانا
الليل : سكون ولقاء مع نفسي
الحب : اجمل شعور بيحس بيه الانسان
أمريكا : مركز قوة في العالم
المرأة : النص الحلو :)
الصمت : لغة جميله بس للي يعرفها
الانترنت : معرفش اعيش من غيره
اختر منصبا واتخذ قرارا
مممممم بصراحة فيه مناصب كتير
ممكن اكون وزيرة التربية والتعليم واحاول وضع نظام جديد للتربية
وممكن اخد منصب المراقبه على الاموال العامة علشان امنع سرقة البلد
قيس وعنترة وجميل هم اللذين يقولون شعر ..وليلي وعبله وعزة صموت لماذا هذا التغيب للمرأة ؟
مين اللي قال ان المرأة مغيبه......المرأه موجوده في كل قصيده كتبها هؤلاء
أن تكون مطلوبا لارتكاب جريمة خير لك من الا تكون مطلوبا مطلقا. هل تتفق مع هذة العبارة ؟ علل
جريمة مرة واحده.... لا انا بحب امشي جمب الحيط .....امشي عدل يحتار عدوك فيك...... على راي جدتي
الى اين تمضي كلمات الحب بعد ان نقولها ؟
تمضي في الذاكرة لكي تكسبها الحنين والدفء والتاريخ
هل تجد بشكل او بآخر علاقة بين المرأة وقطاع الطرق ؟
انا مش شايفة علاقة...... بس ممكن نقول ان قطاع الطرق بيخطفوا الناس لكن المرأه بتخطف القلب
هذا فراق بيني وبينك متى ولمن تقولها ؟
انا قولتها خلاص واكيد عارف نفسه
كيف هو غدا
الله أعلم
لمن تمرر التاج ؟
لكل زائريني

هناك ١٣ تعليقًا:

قلب ينبض لله يقول...

لو ينفع حرفين اكون ممنونة ... عاوزه احزف ال (آه) من اللغه العربية والاحساس دا من النفس الانسانيه
جميلة اوي الأجابة دي :)

هذا فراق بيني وبينك متى ولمن تقولها ؟
انا قولتها خلاص واكيد عارف نفسه
ياجاااامد ;)


جميلة اجاباتك علي التاج
اسمتعت جدا بيها

صوت من مصر يقول...

اظن ان امريكا احنا الى بنقول عليها بس كده
ويا فرعون ايه فرعنك

اعشق فى الليل ضوء القمر يقول...
أزال المؤلف هذا التعليق.
اعشق فى الليل ضوء القمر يقول...

السلام عليكم ورحمه الله

انا جاى و افصص التاج حاجه حاجه

نبتدى من الاول
التاج دا جالي من صديقي صاحب مدونة اعشق في الليل ضوء القمر
مع انه تاني طلب بس بردوا هعمله ;)
انا عارفه الواد ده رخم ودمه يا ستير يا رب وطلباته كثيره بس تصدقى حظه حلو إنك توافقى عليه كصديق (وش بيغمز)

من أنت ؟
انا عارف ومش مقتنع بالإجابه انت السماء الصافيه فى جوف الليل حين يكون القمر فى كامل إنارته اسالينى انا عارف

انت مكلف بحذف حرف من حروف اللغة العربية أيها ستختار ولماذا ؟
لو ينفع حرفين اكون ممنونة ... عاوزه احزف ال (آه) من اللغه العربية والاحساس دا من النفس الانسانيه
اجابه جميله وممكن نضيف عليها (لا)

نحن لا نعيش حياتنا بل نتعلم منها كيف نعيش.... ما تعليقك ؟
مقوله صح 100 % بس مشكلتي اني مبتعلمش
جمله مشكلتى ديه وحدها حل للمشكله لما نعرف المشكله فين أكيد فيه حل ليها مش عارف تكون مشكله ازاى يعنى

تعليق على ثلاثه اشياء فى إجابات
الليل : سكون ولقاء مع نفسي
ده حياه العاشق فى الليل ضوء القمر
أمريكا : مركز قوة في العالم
من وجه نظر اليهود المنطلقه للعرب
المرأة : النص الحلو :)
معاكى أصدق بكده :)

صحيحي ربنا يبارك فيكى ويرحم جدتك

الى اين تمضي كلمات الحب بعد ان نقولها ؟
تمضي في الذاكرة لكي تكسبها الحنين والدفء والتاريخ
أحلى إجابه قرأتها على السؤال ده الله عليكى بجد

هل تجد بشكل او بآخر علاقة بين المرأة وقطاع الطرق ؟
انا مش شايفة علاقة...... بس ممكن نقول ان قطاع الطرق بيخطفوا الناس لكن المرأه بتخطف القلب
يعنى انا كنت صح فى الأجابه على السؤال ده مع إن فيه رجاله قلبها بيتخطف مع الفلوس (وش بيضحك)

هذا فراق بيني وبينك متى ولمن تقولها ؟
انا قولتها خلاص واكيد عارف نفسه
انا مش عارف انت قلتيها لمين (انا قلتلك قبل كده واد رخم الواد عاشق ده)

اما بقيت الأجابات عجبنى ردك فيه منطقى

وإن دلت الإجابات فتدل على
شخصيه محترمه تعلم مقادير الحياه إن وصف البدر فى صفاء قلبه للإستطاع أن يوصفك الشعراء عنك
تقبلى تحياتى وشكرا على إجاباتك لطلباتى
صحيح انا حاولت اشرب لاتيه من بره معجبنيش زى إللى شربته قبل كده
طعمه وحش
تقبلى تحياتى ومودتى

aboooood يقول...

بجد أسئلة حلوة والإجابة كانت أحلى
بس عايز أعرف هوة لية متسمي تاج ؟

MKSARAT - SAYED SAAD يقول...

صاحبة العيون الخضراء
الصديقة العزيزة جدا جدا جدا

اين هذا التاج ؟

ملحوظة :
منتظر جديد ليكِ

تقبلي مروري
سيد سعد

MKSARAT - SAYED SAAD يقول...

صديقتى صاحبة العيون الخضراء
تقريبا في عندي مشكله في الاكسبلورل مش كل الصفحة باينة هعمل ابديت وهرجع اقراه
الW تبقي
عاصمة النساء عندي زوجتى الجميله
و
ف
ا
ء

(green eyes) يقول...

صديقتي العزيزة قلب ينبض لله
--------------------------

انتي اللي جميلة نورتيني بأول تعليق

دومنا على تواصل

(green eyes) يقول...

صوت من مصر
--------------
ما اعتقدش ان احنا بس اللي بنقول عليها كدا ...دا واقع احنا عايشين فيه

(green eyes) يقول...

صديقي العاشق
--------------
انا كمان هفصفص تعليقك على اجاباتي

اولا : انا اللي حظي حلو بمعرفتي بك ;)

ثانيا : تعليقك على من انت دا احرجني جدااا واخجلت تواضعي

ثالثا : بلاش كلمة لا نحذف علشان بحس انها مهمة جدااااااا في حالات كتيرة

رابعا : معاك حق في رايك على مشكلتي لأننا خدنا زمان ان طرق حل المشكلة اول حاجه هي تحديد المشكلة وانا مشكلتي محدداها عاوزه بقى اركز على باقي الخطوات :)
ومرسي انك دعيت لجدتي بالرحمة ربنا يتقبل

وطبعا هطلع ارخم منك ومش هقولك انا قولت لمين مقوله (هذا فراق بيني وبينك)

سعيده جدااا ان اللاتيه عجبك

وسعيدة جداااا برأيك فيا:$
اللهم اجعلني خيرا مما يظنون واغفر لي مالا يعلمون

(green eyes) يقول...

صديقي العزيز جداااا صاحب اجمل مكسرات

-----------------------------------
ألف ألف مبروووووووك
أدركت الآن لما كل هذا التأخير ;)
دام الله المحبة بينك وبين محبوبتك وزوجتك

غير معرف يقول...

awel 7aga kont mstnyaha menk awel ma sm3t el so2al da اختر منصبا واتخذ قرارا
مممممم بصراحة فيه مناصب كتير
ممكن اكون وزيرة التربية والتعليم واحاول وضع نظام جديد للتربية ana 2olt hatshele el sanawya el 3ma men elle ana shofto feha bma ene bs3b 3aleke ya3ne 3ashan keda keda el tarbya de ra7et 3aleha fa awel 7aga ne3mlha nshel el sanawya


قيس وعنترة وجميل هم اللذين يقولون شعر ..وليلي وعبله وعزة صموت لماذا هذا التغيب للمرأة ؟
مين اللي قال ان المرأة مغيبه......المرأه موجوده في كل قصيده كتبها هؤلاء 3gbne aweee el rd da



الى اين تمضي كلمات الحب بعد ان نقولها ؟
تمضي في الذاكرة لكي تكسبها الحنين والدفء والتاريخ bs el egaba de 7sstne bel tsha2om 3ady mesh kol el 7ob we7sh bs el moshkla ente betde 7obek lmeen


we fe el 25er asasn ente kol klamek 7elow mhma 2olte ya sosoooooo

(green eyes) يقول...

حاضر هشيل الثانوية العامة وهشيل الفيزيا كمان